Ucell — Ўзбекистон алоқа бозорида замонавий технологияларни татбиқ этувчи, инсонларнинг ишбилармонлик ва кундалик фаолияти учун энг яхши шарт ва шароитларни яратувчи ишончли мобил алоқа операторидир.
Ucell савдо белгиси 1996 йилда ташкил этилган COSCOM МЧЖ ХКга тегишли бўлиб, 2007 йилдан буён халқаро бизнеснинг бир қисмига айланган. Оператор инсонлар ва компанияларнинг ҳаётини яхши томонга ўзгартириб, ҳар доим алоқада бўлишга ёрдам бергани учун ҳам, мамлакатнинг турли нуқталаридаги миллионлаб фуқаролар ва чет эллик меҳмонлар айнан Ucell’ни танлайди.
Ucell хизматларидан Ўзбекистоннинг 95 фоиз аҳолиси, хусусан, жуда чекка қишлоқларда истиқомат қилувчилар ҳам фойдалана олади — бу ерларда Ucell томонидан тақдим этилаётган мобил алоқа ягона ва ҳаётий зарур мулоқот воситаси ҳисобланади. Интернетнинг пайдо бўлиши билан, замон билан ҳамнафас бўлган Ucell компанияси 3G тармоғини қуришни ўз стратегиясига киритди. Ушбу тармоқни кенгайтириш бўйича ишлар сўнгги икки йил давомида айниқса фаол олиб борилди ва, 2015 йил август ойи ҳолатига кўра, мамлакат аҳолисининг 46 фоизини 3G билан қамраб олинди.
Ucell компанияси 2003 йилда ишга туширилган prepaid-тизимига биринчилардан бўлиб уланган абонентлари учун мамлакат бўйлаб жойлашган барча офисларида 2015 йилнинг 21 декабридан 2016 йил 15 январига қадар давом этадиган махсус акцияни тақдим этди. Ушбу акция доирасида 2015 йил 25 декабрь куни Ucell Mobile City офисида мазкур тизимга уланган дастлабки ва фаол абонентларни тақдирлаш маросими бўлиб ўтди.
Маросимда сўзга чиққан Ucell’нинг Тошкент шаҳри ва Тошкент вилоятида сотув ва хизмат кўрсатиш бўлими раҳбари Леонид Цзю барча меҳмонларга миннатдорчилик билдириб, айнан Ucell компаниясини алоқа оператори сифатида танлаган кўп минг сонли инсонларнинг ишончи узоқ йиллар давомида олиб борилган фаолиятнинг энг асосий ютуғи эканлигини таъкидлаб ўтди: «Бугун абонентларимиз сони 8,5 миллиондан ошди. Бу ишонч белгиси! Бугунги тадбирда 10 йил давомида биз билан бирга бўлган Тошкент шаҳридаги абонентларга шахсан миннатдорчилик билдириш ниятидамиз! Биз мижозларимизнинг хоҳиш-истакларига қулоқ тутибгина қолмай, узоқ йиллар давомида билдирилган ишончни қадрлаймиз. Бугунги қувончли кунда ташаккур билдириб, совғалар улашишни ва шунчаки уларнинг кайфиятини кўтаришни истардик».
Тошкент шаҳрида истиқомат қилувчи Леонид Ким — компаниянинг содиқ абонентлардан бири. У 2004 йил 13 ноябрь куни Ucell алоқа тармоғига уланган ва шундан бери рақамини бирор марта ҳам алиштирмаган: «Нима учун айнан Ucell? Ҳар доим ва ҳар ерда мавжуд барқарор алоқа — бу мен, ишим ва оилам учун жуда муҳим жиҳат. Шунинг учун ҳам биз 11 йилдан бери Ucell билан биргамиз!».
Тақдирлаш маросими Ўзбекистоннинг барча вилоятларини бирлаштирган телекўприк тарзида ташкил этилди. Акцияда Ucell компанияси билан бирга 10 йилдан ортиқ давр мобайнида шахдам қадам ташлаб келаётган 130 абонент иштирок этиб, эсдалик совғаларини қўлга киритди.
Дилрабо Нарзуллаева, акция иштирокчиси, Самарқанд: «Мен ушбу компания мижози эканлигимдан фахрланаман. Ucellга ишонаман, унинг шарофати билан ҳар доим алоқадаман. Яхши хабарларни улашиш ва шунчаки уларнинг овозини эшитиш учун ҳам болаларимга, ота-онамга қўнғироқ қила оламан».
Бурҳон Жўраев, акция иштирокчиси, Навоий: «Компания билан мени узоқ, 10 йиллик муносабатлар боғлаб туради. Компания томонидан менга кўрсатилган муносабатни қадрлайман. Доимий барқарорлиги учун компанияга ўз миннатдорчилигимни изҳор этаман!».
Абонент билан бевосита мулоқотнинг муҳимлигини англаган ҳолда компания мижоз билан юзма-юз тартибда фаолият олиб борувчи ходимлар малакасини оширишга катта аҳамият қаратиб келмоқда. Бугун Ucell ўз абонентларининг компанияга бўлган мустаҳкам ишончи билан фахрлана олади. Содиқ абонентларнинг сафи эса жуда катта, чунки компания хизматларидан одатда бир оиланинг барча аъзолари фойдаланади. Мазкур акция нафақат ютуқ эгаси, балки унинг оиласи учун ҳам ҳақиқий Янги Йил совғаси бўлди.
Компания мижозлар томонидан билдирилган ишончни қадрлайди ва ўз фаолиятини мукаммаллаштиришда давом этади. Ucell алоқа тармоғининг биргина телекоммуникация инфратузилмасига 2007 йил июлидан 2015 йил мартига қадар киритилган инвестициялар ҳажми қарийб 1,2 миллиард АҚШ долларини ташкил этади.
Реклама ҳуқуқи асосида
Изоҳ (0)