Telegram асосчиси Павел Дуров «бир ёки икки бозордаги» блокировка қилиниш хавфи компаниянинг манбаларни ошкор этмаслик сиёсатига таъсир қилмаслиги, мессенжер «ўнлаб бозорлардаги ўнлаб миллионлаб кишилар орасида оммалашгани»ни маълум қилди. Бу ҳақда Meduza хабар бермоқда.
Дуровнинг таъкидлашича, Telegram учинчи томонга фойдаланувчиларнинг шахсий маълумотлари ва шифрлаш калитларини бермайди. Россия ҳуқуқ-тартибот идораларининг шахсий ёзишмалар билан танишиш имкониятига эга бўлиши эса «шахсий манбаларнинг қора бозори» пайдо бўлишига олиб келади.
Олдинроқ расмийларга шифр калитларини беришдан бош тортган тақдирда Telegram ёпилиши мумкинлиги тўғрисида Россия президентининг интернетни ривожлантириш масалалари бўйича маслаҳатчиси этиб тайинланган бизнесмен Герман Климченко маълум қилганди. Унинг айтишича, Telegram’дан «Америкада ҳам, Францияда ҳам киришга рухсат ва код сўралади, рад этган тақдирда фаолияти тўхтатилади».
Изоҳ (0)