Ўтаётган йилда телеобъективлар нишонига ташқи сиёсат бўйича ньюсмейкерлар кўпроқ тушган бўлса, газеталарда иқтисодиёт бўйича спикерлар кўп гавдаланган. Бу ҳақда сиёсатчилар тилга олиниши бўйича «Медиалогия» рейтингига таяниб, «РБК» хабар бермоқда.
Экспертлар барча ОАВларни учта гуруҳга ажратди: федерал телевидение, федерал матбуот ва интернет-нашрлар. Уларнинг барчасида президент Владимир Путин биринчи ўринни эгаллади. Иккинчи ўринларни интернет-нашрлар ва матбуотда Дмитрий Медведев банд этди. Телевидениедаги иккинчи поғонани биринчи марта ташқи ишлар вазири Сергей Лавров эгаллади, Медведев учинчи бўлди.
Рейтингда юқори ўнталикка мудофаа вазири Сергей Шойгу, либерал-демократик ҳамда коммунистик партиялар етакчилари Владимир Жириновский ва Геннадий Зюганов, Путиннинг матбуот котиби Дмитрий Песков, Россия Тергов қўмитаси вакили Владимир Маркин ва бошқалар кирди.
Изоҳ (0)