Хонанда Достон Убайдуллаев ўзи суратга тушган «Тангалик болалар» фильмини кўрганда, қалбидан қандай ўйлар ўтишини маълум қилди. Бу ҳақда «7х7» газетаси хабар бермоқда.
«Ҳар сафар фильмни кўрганимда, янги-янги маъно топаман. Оиламизга трагедия сифатида таъсир қиладиган бўлиб қолган», — деди хонанда.
«Кўпчилик мухлисларга маълум, онам ёшлигимда вафот этган. Кадрларда онамнинг ўзи чиққан жойлари бор. Автобус орқасидан югурган жойи ўтди дегунча, холам, тоғам, келинойиларим: ‘Болам, ўз онангни қидиргандек бўлдинғ, деб телефон қила бошлашади», — деди Достон Убайдуллаев.
«Конституция куни арафасида ҳам эрталабдан ‘Ўзбекистон’ телеканалида ‘Тангалик болалар’ фильми намойиш этилди, оилавий томоша қилдик. Тўғрисини айтсам, махсус ўтириб, дискини қўйиб ҳеч қачон кўрмаймиз», — дея қўшимча қилди хонанда.
Изоҳ (0)