Ўзбекистон пойтахтида 22 ноябрь, якшанба куни соат 23:16 да кучсиз ерости силкиниши сезилди, деб хабар беради «Газета.uz».
«Тошкент» марказий сейсмостанциясидан маълум қилишларича, 5,4 магнитудали зилзила Тошкентдан 532 км узоқликда, Афғонистоннинг Ҳиндикуш тоғларида содир бўлди.
Пойтахтда ерости силкинишлари 1—2 баллни ташкил қилган, Сурхондарё вилоятида эса зилзила кучи тахминан 2 баллга етган.
Сўнгги кунларда Ўзбекистонда эпицентри Қирғизистонда бўлган бир неча зилзилалар сезилди. Жумладан, 17 ноябрь куни 22:29 да Тошкентда 2,5—3 балли, 20 ноябрь куни 9:46 да эса 2 балли, 21 ноябрь куни 5:16 да 2 балли зилзилалар сезилди.
Изоҳ (0)