Россия Федерал хавфсизлик хизмати A321 лайнери бортида амалга оширилган терактга алоқадорлар ҳақидаги ахборот учун 50 миллион доллар миқдорида мукофот пули ваъда қилди. Бу ҳақда «РИА Новости» хабар бермоқда.
«Федерал хавфсизлик хизмати террорчиларни аниқлашда ёрдам сўраб Россия ва халқаро жамоатчиликка мурожаат қилади. Жиноятчиларни қўлга олишга ёрдам берувчи ахборотни тақдим этганлик учун 50 миллион АҚШ доллари миқдорида мукофот пули тўланади», — дея хабар бермоқда Россия ФХХ Жамоатчилик алоқалари маркази.
- Воқеа: Мисрда қулаган A321
Аввалроқ Россия Федерал хавфсизлик хизмати A321 лайнери бортида теракт юз берганини тасдиқлаганди. Ўз навбатида, Россия президенти Владимир Путин лайнерни портлатган террорчиларни сайёранинг исталган нуқтасида топишга ваъда берганди.
Изоҳ (0)