Лондон шаҳрида «Реал» ва Португалия терма жамоаси ҳужумчиси Криштиану Роналду ҳақида ишланган фильм тақдимоти бўлиб ўтди, деб ёзади «Stadion.uz».
Тантанали маросимда Роналду, унинг оиласи, собиқ мураббийлари Карло Анчелотти, Жозе Моуриньо ва Алекс Фергюсонлар иштирок этди. Аммо «Реал» клубидан ҳеч ким ушбу тақдимотга ташриф буюрмади. На бош мураббий Рафаэль Бенитес ва на клуб президенти Флорентино Перес Лондонга келишга қарор қилган. Шунингдек футболчилар ҳам фильм намойишига келмаган.
Аввалроқ «Реал» ҳужумчиси Криштиану Роналду ўзи ҳақидаги фильм премьераси олдидан мухлислари билан суратга тушиб, уч дақиқада олинган селфилар сони бўйича жаҳон рекордини янгилашга уриниб кўргани хабар берилган эди.