АҚШнинг Массачусетс штатида яшовчи Жуди Браун ҳомиладорлиги тўғрисида туғишидан бир соат олдин, касалхонага қорнидаги оғриқдан шикоят билан борганда билди. Бу ҳақда ABC хабар бермоқда.
47 ёшли аёл ўт пуфагидаги тошлар безовта этаётганини тахмин қилган, бироқ шифокорлар у ҳомиладорликнинг охирги ойида эканлигини аниқлади. Орадан бир соат ўтиб, аёлда тўлғоқ бошланди ва қиз чақалоқ дунёга келди. Жудининг айтишича, у ҳомиладорлигини пайқамаган ва оналик насиб этгани аёл учун кутилмаган хушхабар бўлган.
Бундан 22 йил аввал турмуш қурган ва ҳозиргача бола кўрмаган Жуди ҳамда унинг турмуш ўртоғи Жейсон фарзандларига Кэролин Роуз дея исм қўйди. Касалхонани тарк этишдан аввал жуфтлик шошилинч равишда болалар беланчаги ва автомобиль креслосини харид қилишига тўғри келди.
Изоҳ (0)