ХХР тўфонларни аниқлаш ва ўрганиш мақсадида ўзи ишлаб чиқарган биринчи ракетани учирди, деб хабар беради «Корреспондент.net».
Ракета Хайнан оролидан учирилганлиги маълум қилинди. Ракетага ўрнатилган бир нечта радиозондлар у учирилгандан олти дақиқа ўтгач, «Мучжигэ» тўфонининг марказига етиб борди.
Қурилмани учиришга тайёргарлик учун уч йил сарфланди. Манбаларда маълум қилинишича, олинган маълумотлар жуда аниқ бўлиб, олимларнинг фикрича, бундай қурилманинг учирилиши тўфонларни аниқлаб, унинг юзага келишини олдиндан башорат қилиш имконини беради.
Эслатиб ўтамиз, «Мучжигэ» тўфони 4 октябрь, якшанба куни кундузи Гуандун провинциясига етиб келган, кечқурун эса Гуанси-Чжуан мухтор туманигача борган эди.
Изоҳ (0)