18-sentabr kuni Axborot-kommunikatsiya texnologiyalari Sammitining yalpi majlisining o‘tkazilishi AKT Haftaligining xotimasi bo‘ldi. Bu haqda Sammit matbuot xizmati “Daryo”ga xabar berdi.
AKT Sammiti o‘tkazilishining maqsadi o‘tayotgan yilning axborot texnologiyalari va kommunikatsiyalar sohasining rivojlanishidagi natijalarga xulosa yasash, soha oldida turgan strategik vazifalarni muhokama qilish, AKT Forumi qatnashchilari tomonidan kiritilgan Rezolyutsiyani muhokama qilish va uni qabul qilishdan iborat edi. Tadbir doirasida “Elektron hukumat” tizimining kelgusi rivojlanishi bo‘yicha masalalar, axborot xavfsizligi, dasturiy mahsulotlar bozorini rivojlantirish, axborot resurslari va boshqalar ko‘rib chiqildi. Sohadagi ijobiy tajribagina emas, balki mavjud muammolar va ularni yechish yo‘llari tahlil etildi.
Tadbirda 50 ta xalqaro ekspert va 300 ta ishtirokchi, ICTSUMMIT 2015 ning asosiy ma’ruzachilari orasida AKT sohasida 20 ta mutaxassis qatnashdi.
Sammit qatnashchilarining yig‘ilishi doirasida o‘z ma’ruzalari bilan O‘zbekiston Respublikasi Oliy Majlisining Qonunchilik palatasi Axborot va kommunikatsiya texnologiyalari masalalari bo‘yicha Qo‘mita raisi — Ilhom Abdullayev; Huawei Technologies kompaniyasi tarmoqlarini rivojlantirish va biznes bo‘yicha Konsalting prezidenti — Pol Maykl Skanlan; Sharqiy Yevropa va MDH bo‘yicha taqsimlangan nomlar ma’lumotlar va manzillarni beradigan Internet-korporatsiyasi (ICANN) vitse-prezidenti — Mixail Yakushev; BMT Iqtisodiy va ijtimoiy masalalari departamentining elektron hukumat bo‘yicha mintaqalararo katta maslahatchisi — Richard Kerbi va boshqalar ishtirok etdi.
ICTSUMMIT 2015 axborot-kommunikatsiya texnologiyalari bo‘yicha Sammit nafaqat professional xulosalar chiqarish, nufuzli spikerlarning bir qator ma’ruzalarini tinglash, va balki ICTFORUM 2015 ma’ruzachilari va qatnashchilari tomonidan kiritilgan Rezolyutsiyani qabul qilish imkoniyatini ham yaratdi.
Izoh (0)