Apple компанияси судда Samsung’ни ютиб чиқди, дея хабар бермоқда «Hi-tech.mail.ru». Вашингтон федерал округи Апелляция суди қарорига кўра, Жанубий Корея гиганти смартфон ва планшетларда Apple’дан кўчириб олинган (ёки Apple томонидан Samsung’га нисбатан олдинроқ патентланган) қатор технологияларни қўллашдан воз кечиш мажбуриятини олди.
Samsung ва Apple ўртасида тўрт йилдан ошиқ вақтдан буён давом этаётган суд ишида Жанубий Корея компаниясини Google, Facebook, eBay, Dell, HP каби йирик компаниялар қўллаб-қувватлади. Уларнинг вакиллари Апелляция судига кўриб чиқилаётган иш бўйича консультация тақдим этишга тайёр бўлган учинчи мустақил томондан хат жўнатди. Унда суддан Samsung’га патент қоидаларини бузувчи қурилмаларидан тушган даромадни Apple’га йўналтириш мажбуриятини юкловчи суд ҳукмини қайта кўриб чиқишни сўрашди.
Apple ва Samsung ўртасидаги патент уруши 2011 йилдан бери давом этмоқда. Apple даъволарига кўра, Samsung ўз смартфонлари учун iPhone’нинг кўплаб ўзига хосликларини кўчириб олган. Даъводан iPhone’нинг айлана кўринишидаги бурчаклари, мультитач ва бармоқ билан босиш орқали яқинлаштириш каби хусусиятлари ўрин олган.
Изоҳ (0)