Уолл-стрит ўзининг ижтимоий тармоғига эга бўлди

Symphony Уолл-стритдаги молиявий ташкилотлар учун ижтимоий платформани ишга туширди. Бу ҳақда компания вакиллари хабар бермоқда.

Платформа янгиликлар ва молиявий таҳлилчиларнинг маълумотларини тақдим этади, электрон почта билан алоқа ўрнатилган. Ташқи кўринишидан Twitter’ни эслатади, чунки унда ҳам хештег ва эслатмалардан фойдаланилади. Тор доира учун мўлжалланган ахборотни хакерлардан ҳимоялаш учун шифрлаш технологияси қўлланилади.

Symphony янги маҳсулоти эвазига бутун дунё молиячилари ва савдогарлари ишлатадиган Bloomberg LP ҳамда Thomson Reuters билан хизматларини арзон таклиф этиш эвазига рақобатга киришиш ниятида. Масалан, платформадан фойдаланиш бир ойда 15 долларга тушади, Bloomberg терминаллари билан ишлаганлик учун эса 1850 доллар ҳақ олинади. Кичик бизнес вакиллари ва хусусий тадбиркорлар янги маҳсулотдан бепул фойдаланиши мумкин.

Компания ўз платформасини соғлиқни сақлаш, молиявий технологиялар ва аудит соҳасида ҳам татбиқ этишни режалаштирган