Англиянинг Манчестер шаҳри атрофида икки қаватли автобуснинг кўприкка урилиши натижасида 12 киши жабрланди, деб хабар беради «Сегодня.ua».
Икки қаватли йўловчи автобуси ҳайдовчисининг Рочдейлдаги кўприк остидан ўтишга уриниши оқибатида автобус томсиз қолди. Жабрланганлар шифохонага юборилди.
Маълум бўлишича, фавқулодда ҳодиса автобус йўналишидан ташқарида содир бўлган. Ҳайдовчи жабрланмаган, бироқ шок ҳолатида. Гувоҳларнинг сўзларига қараганда, Рочдейл темирйўл вокзали яқинида ҳаракатланаётган 17-рақамли автобус ўз йўналишини ўзгартириб, кўприк остидан ўтишга уринган.
Ҳодиса юз берган пайтда автобусда 25 нафар йўловчи бўлган.
Изоҳ (0)