«Майами» баскетбол жамоаси ҳужумчиси Луол Денг ўз ватани — Жанубий Судан сиёсий ҳаётига дахлдор масалаларни АҚШ президенти Барак Обама билан муҳокама қилди. Бу ҳақда «Echo.msk.ru» хабар бермоқда.
Баскетбол бўйича Буюк Британия терма жамоа аъзоси ҳисобланган 30 ёшли спортчи Африкадаги мазкур мамлакат сиёсий ҳаётида фаол иштирок этади, Жанубий Судан ҳукумати ва мухолифати вакиллари билан шахсан танишлиги сабаб, мамлакатдаги қуролли тўқнашувларга барҳам беришга ҳаракат қилади.
Денг билан суҳбат давомида АҚШ президенти Барак Обама Жанубий Суданда низолашаётган томонлар ўртасида ўтган ҳафта имзоланган тинчлик шартномасининг бажарилишини таъминлашга ҳар томонлама кўмак беришни ваъда қилди.
Изоҳ (0)