Тожикистон президенти Эмомали Раҳмон ўзининг қизи — Тожикистон ташқи ишлар вазирининг биринчи ўринбосари Озода Раҳмонга I даражали «Шараф» орденини топширди, деб хабар бермоқда «News.tj».
Қайд этилишича, Озода Раҳмон ушбу лавозимда 2013 йил ноябрь ойидан буён ишлаб келмоқда. Бунгача эса ташқи ишлар вазири ўринбосари ва ТИВ Консуллик хизмати бошлиғи лавозимларида ишлаган.
Биринчи даражали «Шараф» ордени Тожикистонда иқтисодиёт, ижтимоий соҳа, фан, маданият ва таълим соҳалари ривожига ҳисса қўшган, давлат ва ҳарбий хизматда намуна кўрсатган, фаол жамоатчилик ишларини олиб борган фуқароларга берилади.
Изоҳ (0)