Москва дарёсига қулаган Robinson вертолётига учиш учун рухсат берилмаган, дея хабар қилмоқда «Газета.ru».
Аниқлаштирилган маълумотларга кўра, вертолёт парвози тегишли хизматлар билан мувофиқлаштирилмаган. Ҳодиса бўйича иккита асосий версия кўриб чиқилмоқда: двигатель ишламай қолган ёки учувчи малакаси камлиги ёхуд парвоз хавфсизлиги қоидаларига риоя қилмаганлиги туфайли бошқарувни йўқотган.
Айни пайтда воқеа жойида вертолётни юзага олиб чиқиш учун қутқарувчилар ишламоқда. Сувдан тўрт киши, шу жумладан, ёш бола олиб чиқилган, уларнинг барчаси тиббий ёрдамдан бош тортган.
Эслатиб ўтамиз, 22 август, шанба куни бортида тўрт киши, жумладан, бир нафар ёш бола бўлган Robinson 44 хусусий вертолёти Москва дарёсига қулаб, чўкиб кетди. Ҳодиса соҳилдан 30 метр узоқликда рўй берган.
Изоҳ (0)