КХДР Қуролсизлантирилган ҳудудда икки жанубий кореялик аскар минадан ҳалок бўлгани билан боғлиқ ҳодиса учун кечирим сўраши керак, дея хабар бермоқда «ТАСС» Корея Республикаси президенти Пак Кин Хе сўзларига таяниб. Пхеньян узр сўрамагунича, икки мамлакат чегарасидаги радиокарнайлар овози тинмайди.
«Жанубий Корея тегишли чора-тадбирларни кўриб, радиокарнайлар орқали эшиттиришларни давом эттиради», — деди президент ўз маслаҳатчилари билан учрашувда.
Шу билан бирга, у икки томонлама музокараларда ҳар иккала томон ҳам тангликка барҳам беришга муваффақ бўлса, Жанубий Корея ўзаро гуллаб-яшнаш ва тинчлик учун бор имкониятини ишга солишини таъкидлади.
Изоҳ (0)