ОАВ: АҚШ Жанубий Кореяга бомбардимончи самолётлар ва атом сув ости кемасини келтиришга ҳозирлик кўрмоқда

АҚШ ва Жанубий Корея мамлакатга Б-52 бомбардимончи самолётлари ҳамда атом сувости кемасини келтириш масаласини муҳокама қилмоқда. Бу ҳақда Рёнхап агентлиги маълумотларига таяниб, «Korrespondent.net» хабар бермоқда.

Корея Республикаси Мудофаа вазирлигининг расмий вакили Ким Мин Сок ярим оролдаги қалтис вазият туфайли икки мамлакат Америка стратегик кучларини жойлаштиришни муҳокама этаётгани ҳақида маълум қилган бўлса-да, айнан қандай кучлар ҳақида гап кетаётганлигини ойдинлаштирмаган.

Агентлик манбалари бу Б-52 самолётлари, шунингдек, Япониядаги Йокосуки ҳарбий базасида турган атом сувости кемалари бўлиши мумкинлигини маълум қилган.