АҚШ қирғоқ мудофааси ходимлари мамлакатнинг ғарбий соҳилида 1,01 миллиард доллар қийматидаги кокаинни қўлга туширди, деб хабар беради Los Angeles Times.
Тақиқланган юкнинг оғирлиги 29 тоннадан ортиқдир. Нашрнинг маълум қилишича, мусодара қилинган гиёҳванд моддалар Америка қирғоқ мудофааси тарихидаги энг йириги бўлди. Операция давомида чегарачилар ва контрабандачилар ўртасида 23 та тўқнашув содир бўлди.
2014 йилнинг октябрь ойидан буён АҚШ қирғоқ мудофааси 1,8 миллиард доллардан ортиқ қийматдаги 53 тонна кокаинни қўлга туширди.
Изоҳ (0)