Афғонистоннинг Балх вилояти Мозори Шариф шаҳрида Ўзбекистон томонидан 2014 йилда бошланиб 2015 йилда қуриб битказилган ўрта таълим мактаби Афғонистон Маориф вазирлигига топширилди. Бу ҳақда Facebook фойдаланувчилари маълум қилган.
Хабарга янги қуриб битказилган мактабнинг бир нечта фотосуратлари ҳам илова қилинган. Суратлардан бирида мактабга кириш қисмидаги ёзув кўрсатилган бўлиб, унда ўзбек тилида, араб ва лотин ёзувларида «Ушбу мактаб Ўзбекистон халқидан Афғонистон халқига совға сифатида 2014 йилда қурилган», деб ёзилган.
Шунингдек, мактаб кириш қисмидаги «Хуш келибсиз!» ва синф хоналаридан биридаги «Бешикдан то қабргача илм ўрган» жумлалари ҳам араб ва лотин ёзувларида акс эттирилган.
Изоҳ (0)