Интернетда Жеймс Бонд ҳақидаги фильмларнинг янги қисми — «007 Спектр» («Spectre»)нинг иккинчи расмий трейлери пайдо бўлди. «Korrespondent.net»нинг хабар беришича, режиссёр Сэм Мендеснинг мазкур фильмида бош ролларни Дэниел Крейг ва Моника Белуччи ижро этган.
«007 Спектр» британиялик моҳир агент ҳақидаги 24-фильм бўлади. Унда Жеймс Бонд номаълум манбадан шифрланган мактуб олади, бу мактуб уни шартли номи Spectre бўлган ёвуз глобал ташкилоти изига олиб чиқади.
Фильмнинг жаҳон премьераси 2015 йил 25 октябрь куни бўлиб ўтиши кўзда тутилган.
Бонднинг қайлиғи ролини италиялик машҳур актриса Моника Белуччи ижро этган. Бундан ташқари, «Спектр»да Леа Сейд, Стефани Сигман, Дэйв Батист, Рэйф Файнс, Эндрю Скотт, Наоми Харрис ва Бен Уишоу каби актёрлар суратга тушган.
https://youtu.be/LTDaET-JweU
Эслатиб ўтамиз, 1962—2012 йиллар мобайнида Жеймс Бонд ҳақида 23 та фильм суратга олинган бўлиб, мазкур картиналар ўз ижодкорларига жами 6 миллиард доллардан ортиқ даромад келтирган.
Изоҳ (0)