Тошкент шаҳрида бир машинанинг йўқолган калити эгаси Korzinka.uz супермаркетлар тармоғининг махсус карточкаси ёрдамида излаб топилди. Бу ҳақда Facebook’даги «Водители Ташкента» гуруҳида маълум бўлган.
Гуруҳ аъзоларидан бири Сирғали тумани ҳудудида жойлашган «Сунбула» ресторани олдида машина калити ва сигнализация пультини топиб олганини, эгасига уларни беминнат қайтариб беришини маълум қилиб, эълон берган.
Бошқа фойдаланувчилар калит ва пультга Korzinka.uz мижозининг аъзолик карточкаси бириктирилганини кўргач, супермаркетга мурожаат қилиб, буюмларнинг эгасини топиш мумкинлигини маслаҳат берган. Кейинроқ, Korzinka.uz ходимлари бўлган гуруҳ аъзолари карточка рақами орқали мижозни топиб, калит ва пульт қайтарилгани маълум қилинган.
Изоҳ (0)