Facebook’даги «Potrebitel.uz» гуруҳи аъзоларидан бири боғчадан «қочиб кетган» (муаллифнинг ўзи эса буни «йўқолиб қолиш» деб баҳолади) қизчасини ўз ота-онасига етказган ўткинчига миннатдорлик билдирди.
Маълум бўлишича, пост муаллифи — қизчанинг отасига боғчадан қўнғироқ қилиб, қизининг «қочиб кетганлиги»ни маълум қилишган. У зудлик билан боғчага етиб борган.
Бу орада эса ўткинчилардан бири беш ёшли қизча кўчада ёлғиз юрганидан шубҳаланиб, ундан қаерда яшашини сўраб, у кўрсатган томонга олиб бора бошлаган. Йўлда эса уларни боғчага таксида шошиб кетиб бораётган қизнинг онаси кўриб қолган.
Муаллиф воқеа бахтли якун топгани учун ўткинчидан миннатдор эканлигини билдирди. «Бир-биримизга эътиборли бўлайлик! Индамай ўтиб кетманг! Балки айнан сиз кимнингдир жажжи ҳаётини қутқариб қоласиз!» — дея қайд этди фойдаланувчи.
Изоҳ (0)