Toshkent shahrida bir mashinaning yo‘qolgan kaliti egasi Korzinka.uz supermarketlar tarmog‘ining maxsus kartochkasi yordamida izlab topildi. Bu haqda Facebook’dagi “Voditeli Tashkenta” guruhida ma’lum bo‘lgan.
Guruh a’zolaridan biri Sirg‘ali tumani hududida joylashgan “Sunbula” restorani oldida mashina kaliti va signalizatsiya pultini topib olganini, egasiga ularni beminnat qaytarib berishini ma’lum qilib, e’lon bergan.
Boshqa foydalanuvchilar kalit va pultga Korzinka.uz mijozining a’zolik kartochkasi biriktirilganini ko‘rgach, supermarketga murojaat qilib, buyumlarning egasini topish mumkinligini maslahat bergan. Keyinroq, Korzinka.uz xodimlari bo‘lgan guruh a’zolari kartochka raqami orqali mijozni topib, kalit va pult qaytarilgani ma’lum qilingan.
Izoh (0)