Ўзбекистон Республикаси Президентининг 2013 йил 25 июлда имзоланган «Қарши шаҳрининг йўл-транспорт коммуникацияларини ривожлантириш ва қурилишининг истиқболли режаси дастури тўғрисида»ги Қарори ижроси юзасидан «Қарши—Шаҳрисабз» йўналиши бўйича 127 км узунликдаги автомобиль йўли тўлиқ таъмирланиб, цемент-бетон қопламали йўлга айлантирилмоқда, деб хабар қилади «Ўзавтойўл» ДАК матбуот хизмати.
Ушбу автомобиль йўли Ўзбекистон мустақиллигининг 24 йиллик байрами арафасида тўлиқ фойдаланишга топширилиши мўлжалланмоқда.
Воҳадаги икки қадимий шаҳарни боғлаб турган – 4Р-79 автомобиль йўлининг Қарши шаҳридан чиқувчи 0-10 километрлари ҳамда ушбу йўналишдаги М-39 автомобиль йўлининг Шаҳрисабз шаҳрига кираверишдаги 1174—1185 километрлари оралиғида реконструкция ишлари амалга оширилмоқда.
Компаниянинг Автомобиль йўлларидан фойдаланиш ва техник ҳолатини таҳлил қилиш бошқармаси бошлиғи Нодир Ҳусановнинг айтишича, қурилиш ишлари «Ўзавтойўл» ДАК тизимидаги Автомагистраль бирлашмаси кўприк қурилиш участкаси ҳамда «Тошкенткўприк» корхоналари томонидан амалга оширилмоқда.
Изоҳ (0)