Бугун,

  • USD 11095.31
  • RUB 173.84
  • EUR 10772.44

Одатда биргина нигоҳ ташлаш билан қаршингиздаги автомобиль орзуларингиз рўёбими ёки тушингизда ҳам сизни босинқирашга мажбур этадиган нусхами, фарқлаш унчалик қийин эмас. Келинг, дунё автодизайнерларининг энсани қотирадиган ижод намуналарини эслаб кўрайлик. Бу борада бизга «Auto.tsn.ua» портали ёрдам беради.

1. Pontiac Aztec

Ўтган асрнинг 90 йилларида бир пайтлари донг таратган Pontiac'да ишлар орқага кета бошлади. Бу ҳолатдан фақат ноодатий, овоза бўладиган модель ишлаб чиқаришгина қутқариши мумкин эди. Ушбу савдо белгиси эгаси бўлган GM концерни таваккал қилди ва Aztec кроссоверини чиқаришга қўл урди. Чиндан ҳам машина ҳақида ҳамма гапира бошлади, бироқ афсуски, концерн кутган оҳангларда эмас. Aztec ишлаб чиқариш беш йил давом этди ва 2005 йили конвейердан олиб ташланди.

Фото: auto.tsn.ua

Фото: auto.tsn.ua

2. Lamborghini LM002

Италиянинг Lamborghini компанияси ўз фаолиятини трактор ишлаб чиқаришдан бошлаган. 80-йиллар ўрталарида компания ўзининг биринчи (кейин маълум бўлганидек, охирги ҳам) йўлтанламас автомобилини оммага тақдим этди. Маҳлуқларга ўхшаш қўрқинчли қиёфага эга машина бундай нарсларга ўч араб шайхларинигина қизиқтира олди, холос.

Фото: auto.tsn.ua

Фото: auto.tsn.ua

3. SsangYong Rodius

Жанубий Кореянинг SsangYong компанияси дизайн борасидаги доимий тажрибалари билан ном чиқарган. Rodius минивэни уларнинг орасида энг омадсизи бўлса ажаб эмас. На кенг салон, на юрганда яхшигина таассурот қолдириши антиқа кўриниши оқибатида ҳосил бўлган салбий тасаввурни ўзгартира олмади.

Фото: auto.tsn.ua

Фото: auto.tsn.ua

4. FIAT Multipla

90-йиллар ўрталарида Италия концерни 1956 йилдан то 1969 йилгача чиқарилган олти ўринли, бироқ ихчамгина оилавий авто – Multipla’ни бозорга қайтаришга қарор қилди. Аммо микровэннинг ноанъанавий қиёфаси шунча уринишни йўққа чиқарди.

Фото: auto.tsn.ua

Фото: auto.tsn.ua

5. Reliant Robin

Жаноб Бин тўғрисидаги фильмлар мухлислари Austin Mini миниб олган қаҳрамоннинг уч ғилдиракли антиқа автомобиль билан мунтазам тортишувини яхши эсласа керак. Бу машина Reliant фирмасига тегишли – корхона дизайни билан мақтаниш амримаҳол бўлган уч ғилдиракли иккита моделга қўл урган: Regal (айнан у машҳур сериалда намоён бўлган) ва Robin. Иккала машина ўзларида ишлаб чиқарилган оддий буюмни ҳам ардоқлайдиган британияликлар учун латифаларнинг доимий мавзусига айланган.

Фото: auto.tsn.ua

Фото: auto.tsn.ua

6. Citroen C4 Pallas

Хитой автодизайни олами ҳам ўзига хос: баъзан улар нимани ёмонроқ амалга оширишини ҳам тушунмай қоласан – ўзларининг автомобилларини ишлаб чиқаришми ёки хориж машиналаридан нусха кўчириш. Иккинчи вариантга яққол мисол – хитойликлар ўзгартирган Citroen C4.

Фото: auto.tsn.ua

Фото: auto.tsn.ua

7. Renault Clio Symbol

1999 йилда Renault компанияси ривожланаётган мамлакатлар учун арзон автомобиллар чиқаришни режалаштирди ва узоқ ўйлаб ўтирмай Clio хэтчбекини седанга айлантириб қўя қолди. Балки шу туфайли машинанинг юкхона қисми беўхшов чиққандир. Қизиғи, учинчи дунё давлатлари ушбу моделни айнан унча-мунча юкни кўрдим демайдиган катта юкхонаси учун ёқтириб қолди.

Фото: auto.tsn.ua

Фото: auto.tsn.ua

8. Ford Edsel

Бир қарашда арзимасдек туюлган кичик унсур ҳам моделнинг қиёфаси, бозорда кетиш-кетмаслигини ҳал қилиши ҳеч гап эмас. Бу автода шундай қисм сифатида радиатор панжарасини кўрсатиш мумкин.

Фото: auto.tsn.ua

Фото: auto.tsn.ua

9. Tatra T87

Чехиялик Иржи Ганзелка ва Мирослав Зикмунднинг сафарлари баҳсли қиёфаси туфайли тарафдорлари билан бирга ашаддий душманларига ҳам эга бўлган машина довруғини дунёга ёйди: 40-йилларда улар Т87’да Африканининг инсон қадами етмаган ҳудудларини ҳам кезиб чиқди.

Фото: auto.tsn.ua

Фото: auto.tsn.ua

10. Citroen 2CV

Бу модель Иккинчи жаҳон уруши эндигина якунланган, маблағ тақчил бўлган йилларда чиқарила бошлаган. Кичкина, тор, содда ва арзон. Одмигина қиёфаси учун унга «иркит ўрдакча» деган лақаб ҳам қўйишганди.

Фото: auto.tsn.ua

Фото: auto.tsn.ua

Изоҳ
Asosiy yangiliklar
Дунё
Европа газ истеъмолини камайтирмоқда
Маҳаллий
Тошкентда ёнғин оқибатида 2 киши ҳалок бўлди (видео)
Дунё
Украина 2 та аэродромга дронлар билан зарба беришга уринди — Россия Мудофаа вазирлиги