Голливудлик машҳур актёр ва продюсер Леонардо Ди Каприо экология ташкилотларига, шу жумладан, Африка ёввойи табиати ва Амазония тропик ўрмонларини ҳимоя қилиш билан шуғулланувчи муассасаларга 15 миллион доллар йўналтирди. Бу ҳақда «ТАСС» хабар беради.
Amazon Watch, Save The Elephants, Tree People ва World Wildlife Fund каби фондлар грантларга эга бўлди.
«Сайёрамиз табиатининг вайрон этилиши шундай суръатларда содир бўлмоқдаки, буни ортиқ эътиборсиз қолдиришнинг иложи йўқ. Дунё аҳолиси яшаш муҳитини вайрон этмайдиган келажакни барпо этишга масъулмиз», — деб таъкидлади актёр.
1998 йилда Ди Каприо, Ер сайёрасидаги яшаш муҳити экологиясини сақлаш мақсадида, шахсий Leonardo DiCaprio Foundation фондини ташкил этди. Бугунги кунда ташкилот дунёнинг 40 та мамлакатида фаолият кўрсатмоқда.
Изоҳ (0)