2015 йилнинг 15 июль куни Ўзбекистон Республикаси ташқи ишлар Вазири Абдулазиз Камилов Ўзбекистонга ташриф буюрган Россия Федерацияси ташқи ишлар Вазири Сергей Лавров билан учрашди. Бу ҳақда Ўзбекистон ТИВ матбуот хизмати хабар бермоқда.
Суҳбат чоғида Ўзбекистон—Россия муносабатларининг долзарб масалалари, сиёсий, савдо-иқтисодий, маданий-гуманитар ва бошқа соҳалардаги ҳамкорликни ривожлантириш истиқболлари ҳамда баъзи халқаро ва минтақавий муаммолар юзасидан фикр алмашилди.
Мулоқот давомида 10 июль куни Уфа шаҳрида Ўзбекистон Президенти Ислом Каримов ва Россия Президенти Владимир Путин ўртасида бўлиб ўтган учрашув давомида эришилган келишувларни амалга ошириш жараёнига алоҳида эътибор қаратилди.
Ўзбекистоннинг 2015—2016 йилларда Шанхай ҳамкорлик ташкилотида раислиги доирасидаги ҳамкорликдан икки томон ҳам бирдек манфаатдор эканлиги таъкидланди.
Учрашувда Россия элчиси Владимир Тюрденов иштирок этди.
Изоҳ (0)