Ўзбекистон Гидрометеорология хизмати маркази 18—19 июль кунлари учун кутилаётган об-ҳаво маълумотини эълон қилди, деб хабар беради «Uz24.uz».
Мамлакатнинг деярли барча минтақаларида, шу жумладан Тошкентда ҳам ҳаво ҳарорати кечқурун 27—32 даражани, кундузи 39—44 даражани ташкил қилади. Республиканинг баъзи минтақаларида ҳаво ҳарорати 46 даражагача етиши мумкин.
Фарғона водийсида ҳаво ҳарорати нисбатан пастроқ бўлади — кечаси 22—27, кундузи 35—40 даража.
Тоғли туманларда ҳаво ҳарорати кундузи 30—35 даража бўлиши кутилмоқда.
Изоҳ (0)