Ўзбекистон 7 та нефть-газ корхоналарининг 51% акцияларини хорижий инвесторларга сотади

Ўзбекистон яқин икки йил ичида еттита нефть-газ корхоналаридаги акцияларнинг 51 фоизини чет эл инвесторларига сотади. Бу Ўзбекистон президентининг 2015 йил 28 апрелдаги «Иқтисодиётда хусусий мулк ҳиссаси ва аҳамиятини ошириш чора-тадбирлари тўғрисида»ги қарорига мувофиқ амалга оширилади, дея хабар бермоқда «Review.uz».

Хорижий инвесторларга сотиладиган корхоналар рўйхатига «Андижон тажриба-синов заводи», «Бухоро таъмирлаш механика заводи», «Бухоро нефтгазавтонакл», «Ўзпарқурилиш», «Қашқадарё нефтгазсаноатқурилиш», «Қашқадарё нефтгазқурилиш ва таъмирлаш», «Сарбоннефтгаз» акциядорлик жамиятлари киритилган.

Бундай чора-тадбирлар ишлаб чиқаришнинг модернизацияси ва технологик янгиланишини, ички ва ташқи бозорда рақобатбардош бўлган маҳсулотларни ишлаб чиқаришни таъминлаши кўзда тутилган.