Япониянинг Кюсю оролидаги Кагосима префектурасида жойлашган «Сэндай» атом электр станциясининг биринчи реакторида ядро ёқилғисини юклаш бўйича ишлар бошланди, дея хабар бермоқда «Корреспондент.net».
Ушбу станция Японияда «Фукусима-1»даги авариядан сўнг ўз ишини қайта тиклаган биринчи АЭСга айланади.
Шу йилнинг октябрь ойида «Сэндай» АЭСнинг иккинчи реактори ҳам қайта ишга тушиши кутилмоқда.
2011 йил мартида «Фукусима-1»да авария содир бўлгач, Япония ҳукумати мамлакатда ишлаб турган 48 та атом реакторларининг барчасини тўхтатишга қарор қилган ва АЭСлардаги хавфсизликни таъминлаш бўйича қатъий қоидалар жорий қилган эди.