Бугун,

  • USD 11095.31
  • RUB 173.84
  • EUR 10772.44

«Туркистон» саройида «Фуқаролар йиғинларининг энг намунали диний маърифат ва маънавий-ахлоқий тарбия масалалари бўйича маслаҳатчиси» кўрик-танловининг Тошкент шаҳар босқичи бўлиб ўтди. Бу ҳақда ЎзА хабар бермоқда.

«Туркистон» саройи. Фото: Publika.uz

«Туркистон» саройи. Фото: Publika.uz
2005 йилдан буён ҳар йили анъанавий тарзда ўтказиб келинаётган «Фуқаролар йиғинларининг энг намунали диний маърифат ва маънавий-ахлоқий тарбия масалалари бўйича маслаҳатчиси» республика кўрик-танлови иш тажрибани атрофлича ўрганиш, таҳлил этиш, иши ибратли деб топилган маслаҳатчилар фаолиятини мамлакат миқёсида кенг оммалаштириш имконини бермоқда.

Бу йилги танловда маҳаллаларда нуронийларга ҳурмат ва эҳтиром кўрсатиш, уларнинг бой ҳаётий тажрибасидан ёш авлод тарбиясида, тўй-ҳашамларни ихчам, камхарж тарзда ўтказишда кенг фойдаланиш, ёшларнинг меҳнат бандлигини таъминлаш, оилавий ажримларнинг олдини олиш бўйича олиб борилаётган ишларга асосий эътибор қаратилди.

Кўрик-танловнинг Тошкент шаҳар босқичида диний маърифат ва маънавий-ахлоқий тарбия масалалари бўйича маслаҳатчиларнинг иш фаолияти, кенг омма, ёшлар, оилалар, хотин-қизлар билан ишлашга доир билим ва маҳорати, кўпчиликка ижобий таъсир кўрсатиши, миллий қонунчилигимиз, мамлакатимиздаги ислоҳотлар жараёнини аҳоли онгига етказа олиш қобилияти атрофлича ўрганилди.

Танлов жараёнида маслаҳатчиларнинг сиёсий, ҳуқуқий билимлари, турли мураккаб ҳаётий вазиятларда оқилона қарор қабул қилиш салоҳиятига ҳам баҳо берилди.

Чилонзор туманидаги «Чилонзор» маҳалла фуқаролар йиғинининг диний маърифат ва маънавий-ахлоқий масалалар бўйича маслаҳатчиси Марҳамат Мақсудова кўрик-танловнинг Тошкент шаҳар босқичида биринчи ўринга муносиб топилиб, мамлакат босқичида қатнашиш ҳуқуқини қўлга киритди.

Танловнинг ғолиб ва совриндорларига диплом ва совғалар топширилди.

Изоҳ
Asosiy yangiliklar
Дунё
Илон Маск Twitter’да Apple рекламалари тикланганини эълон қилди
Дунё
Туркиянинг Kizilelma қирувчи дрони илк парвозни амалга оширди (видео)
Дунё
Хитой Россияга ҳарбий ёрдам кўрсатдими?