Луизиана округ суди ҳаётининг 43 йилини бир кишилик камерада ўтказган 68 ёшли маҳбус Алберт Вудфоксни озод этишга қарор қилди, деб хабар берди Meduza.
Вудфокс икки марта қамоқхона қўриқчисини ўлдирганликда айбдор деб топилган бўлса-да, ҳар иккала чиқарилган қарор бекор қилинган эди. Суд ишни учинчи марта кўриб чиқиш учун юборишни рад қилган. Суд уни озодликка чиқариш тўғрисидаги қарорда ёши ва соғлигининг ёмонлигини инобатга олди.
Алберт Вудфокс 1967 йилда қуролланган босқинчилик содир этганлиги учун жазога маҳкум этилган бўлиб, 1972 йилда эса у қамоқхона қўриқчисини ўлдирганликда айбдор деб топилиб, бир кишилик камерага ўтказилган.
Вудфокс бир кишилик, ўлчамлари тахминан иккига уч метр бўлган ҳамда деразаси бўлмаган камерада сутканинг 23 соатини ўтказади.
Изоҳ (0)