Самарқанд вилояти бўйича 47 та дарахтга «Давлат табиат ёдгорлиги» мақоми берилган, улардан 33 таси шарқ чинори ҳисобланади, деб хабар қилади «Uz24.uz».
Мисол учун, Ургут туманидаги «Чорчинор» маҳалла фуқаролар йиғинида 1000 ёшдан 1087 ёшгача бўлган 6 та, минг ёшгача бўлган 4 та чинор дарахти Ер сайёрасидаги саноқли дарахтлар сирасига киради.
Худди шундай қадимий чинорлар Тайлоқ туманидаги «Пайшанбасиёб», Паяриқ туманидаги «Хўжа Исмоил» маҳаллалари ва Оқдарё туманида мавжуд бўлиб, улар орасида 500 дан 1000 ёшга етганлари ҳам бор. Юқоридаги чинорларнинг барчаси муҳофаза этилади.
Шунингдек, Нарпай туманидаги 150 ёшли баобаб, 120 ёшли дўлана ва 100 ёшли қайрағочни, Қўшработ туманидаги 200 ёшдан ошган тут дарахтини, Ургут туманидаги 152 ёшли қрим қарағайи ва 105 ёшли ёнғоқ дарахти ҳам «Давлат табиат ёдгорлиги» мақомига эга.
Самарқанд шаҳри Университет хиёбонидаги ботқоқ кипариси эса Ўзбекистондаги энг ноёб дарахтлардан бири ҳисобланади. 100 ёшдан ошган бу дарахт ЮНЕСКО муҳофазасига олинган. Бу ҳақда «Зарафшон» газетаси маълумот берган.
Изоҳ (0)