Россиянинг Пенза вилоятида яшовчи Суховлар оиласи Chevroletнинг маҳаллий дилери ва GM корпорациясининг Санкт-Петербургдаги заводи устидан 50 миллион рубллик даъво очди, дея хабар бермоқда «Известия». Уларнинг фикрича, завод яроқсиз Chevrolet Cruze’ни чиқарган.
Гап шундаки, 2014 йил 9 октябрда ҳаракатланиш чоғида машинанинг олд ўнг ғилдирагидаги узатма ёрилиб кетган. Бироқ 2013 йилда Америка концернининг ўзи ушбу деталь нуқсонли бўлиши мумкинлиги ҳақида огоҳлантирган, бутун дунё бўйлаб 180 мингга яқин автомобиль қайтариб олинган (яъни улардаги нуқсон бепул бартараф этилган) эди.
Сервис акцияси Россияга ҳам тегишли бўлган, бироқ Суховлар оиласи уларни ҳеч ким бу ҳақда хабардор қилмагани ва дилерлик марказига чақирмаганини айтмоқда.
Ҳуқуқшунослар фикрича, Суховлар маънавий зарарни қоплаш учун бундай катта маблағни ундира олмайди, уларга бир неча минг рубль берилиши мумкин холос — тўғридан-тўғри зарар қоплаб бўлинган: дилер машинани тузатиб берган.
Изоҳ (0)