Кувайтдаги нуфузли турнирда ўзбекистонлик каратэчилар 4 та медаль қўлга киритди

Каратэ бўйича Ўзбекистон терма жамоаси Кувайтда ўтказилган нуфузли Kuwait-open халқаро турнирида иштирок этди, деб хабар қилади «12news.uz».

Ўтган дам олиш кунлари якунланган мусобақада ўзбекистонликлар 4 та медаль олди, улардан 2 таси олтин медалидир. Турнирда 35 мамлакатдан ташриф буюрган каратэчилар иштирок этди.

Мусобақа шоҳсупасига Осиё чемпиони, Гуанчжоу ва Инчеондаги Осиё ўйинлари совриндори Барно Мирзаева кўтарилди. Иккинчи олтин медални 2013 йилги Осиё чемпиони, 2011 йилги жаҳон чемпионатида 6-ўрин эгаси, бир қанча халқаро турнирлар ғолиби ва совриндори, 17 ёшгача бўлган каратэчилар орасида Ўзбекистонда энг кучли ҳисобланган Садриддин Сайматов ютиб олди.

Турнирнинг бронза медалларига Ғофуржон Зоҳидов ва Дилноза Бакирова эга чиқди. Барча совринлар кумите йўналиши бўйича қўлга киритилди.