Мексика полициячилари жума куни мамлакат ғарбида бўлиб ўтган отишма вақтида жиноий наркокартелнинг 43 аъзосини йўқ қилишди. Қуролли тўқнашув натижасида тартиб посбонларидан бир нафари ҳалок бўлган, яна бири яраланган, дея хабар бермоқда Kommersant.ru.
Бу ҳақда Миллий хавфсизлик қўмитаси раҳбари Монте Алехандро Рубидо Reuters агентлигига маълум қилган. Унинг сўзларига кўра, жиноятчиларга қарши Мичоакан ва Халиско штатлари чегарасидаги жанг уч соатга яқин давом этган.
Рубидонинг қайд этишича, полициячиларга «Халиско картели – янги авлод» гуруҳи аъзолари қуролли қаршилик кўрсатган. Вертолёт ёрдамида амалга оширилган тўқнашув якунига етганидан сўнг картелнинг омон қолган уч аъзоси ҳибсга олинган, гранатомёт ва 39та ўқотар қурол мусодара қилинган.
Изоҳ (0)