Ямандаги қуролли низо натижасида 1037 нафар тинч аҳоли вакили ҳалок бўлди ва 2453 нафари яраланди, дея хабар бермоқда ТАСС.
«Ушбу маълумотлар 26 мартдан 20 майгача бўлган даврни қамраб олади», - деди Сесил Пуйи.
Эслатиб ўтамиз, Саудия Арабистони бошлиқ «араб коалицияси» кучлари 26 мартдан буён Ямандаги исёнчи-хусийларнинг марраларига ҳаводан зарба бериб келмоқда.
Саудия Арабистонидан ташқари Баҳрайн, Қатар, Кувайт ва БАА ўрин олган коалиция (уларга Миср, Иордания, Марокаш ва Судан кўмак бермоқда) 12-18 май кунлари давомида ҳаво зарбаларини беш кунга тўхтатган эди, бироқ кейинроқ мазкур бомбардимонлар хусийлар тўлиқ таслим бўлгач тўхтатилиши маълум қилинди.
Изоҳ (0)