Хитой марказидаги Хунан вилоятида салонида 52 йўловчи бўлган автобус ағдарилиб кетди. ТАССнинг хабар беришича, ҳалокат натижасида етти киши ҳалок бўлган, 40 киши тан жароҳати олган.
Авария Синпин ноҳиясида содир бўлган. Дастлабки маълумотларга кўра, йўл-транспорт ҳодисаси кучли ёмғир ва ҳайдовчининг ҳаракат йўналишини билмаганлиги оқибатида юз берган бўлиши мумкин.
Автобусда Ляншан тоғи манзараларини томоша қилиш учун сайрга кетаётган маҳаллий компания ходимлари бўлган. Ҳозирги вақтда ҳодиса жойида тезкор қутқарув хизматлари иш олиб бормоқда, жабрланувчилар касалхонага етказилган.
Изоҳ (0)