Ноодатий харидор — будда роҳиби Шанхайдаги маиший техника дўконларидан бирига уюм-уюм майда пул билан келди, дея хабар бермоқда ТАСС Хитой ОАВларига таяниб.
220 мингтадан ортиқ майда танга эвазига у ўз ибодатхонаси учун сув иситувчи ускуналарни сотиб олди.
716 килограммлик тангаларни санаб чиқиш учун 13 соат талаб этилди. Таъкидлаш жоиз, бу ташвиш дўкон учун тўсатдан бўлгани йўқ: мижоз олдиндан бир нечта дўконга қўнғироқ қилиб, бундай шаклдаги тўловни қабул қилиш-қилмасликларини сўраган, улардан фақат биттаси бунга рози бўлган эди.
Ҳар бири 1 цзяо (тахминан 2 сент)лик майда тангалар ибодатхонада зиёратчиларнинг кўп йиллик хайриялари туфайли тўпланиб қолган. Бу пулга ибодатхона 16 та сув иситиш ускунасини харид қилди.
Изоҳ (0)