Бразилиянинг Минас-Жерайс штати жануби-шарқида боши танасидан жудо қилинган журналист жасади топилди. Бу ҳақда «РИА Новости» хабар бермоқда.
67 ёшли Эвани Жозе Мецкер сўнгги уч ойдан бери Бразилиянинг энг қашшоқ ҳудудларидан бири – Жекитинонеда гиёҳванд моддалар айланмаси ва болалар фоҳишабозлиги ҳақида ахборот тўплаш устида ишлаётган эди.
«Бразилия журналистлар иттифоқи (БЖИ) изчил тергов-суриштирув ишлари ўтказилишини талаб қилади. Мустақил журналист Эвани Жозе Мецкер ушбу тажовузкор ҳудудда наркотрафик ва болалар фоҳишабозлигини тадқиқ қилиш билан ўз ҳаётини хавф остида қолдираётгани борасида бир неча бор огоҳлантирилган эди», - дейилади БЖИ баёнотида.
Мецкернинг жасади у йўқолиб қолганидан беш кун ўтиб топилди. Танани ёриб кўриш натижаларига кўра ўлим сабабларини аниқлаш имкони бўлмади ва ҳозирги вақтда журналистнинг жасади кейинги текширувларни ўтказиш учун Белу-Оризонти штати маъмурий марказига олиб кетилган.
Бразилия журналистлар иттифоқи Мецкерга нисбатан амалга оширилган қотилликни қоралади ва ушбу ҳодисани «ахборот эркинлиги ва ахборот олиш ҳуқуқига қарши жиноят» деб атади.
Изоҳ (0)