АҚШнинг Техас штати Уэйко шаҳридаги барлардан бирида байкерлар гуруҳлари ўртасида юзага келган низо туфайли 192 киши ҳибсга олинди, дея хабар бермоқда Reuters. Тўқнашувларда тўққиз киши ҳалок бўлиб, яна 18 киши жароҳат олган эди.
Қўлга олинганларга ташкиллаштирилган жиноий фаолиятда қатнашганлик бўйича айблов қўйилиши мумкин.
Алкоголли ичимликлар бўйича Техас комиссияси шаҳар савдо марказида жойлашган Twin Peaks спорт-барини етти кунга ёпишини эълон қилди. Комиссия ҳодиса бўйича ўз терговларини олиб бормоқда ва қўшимча чоралар кўриши мумкин.
Эслатиб ўтамиз, мотоциклчилар ўртасидаги жанжал шаҳардаги ресторанлардан бирида юзага келган. Кейин эса яқин атрофдаги автотураргоҳлардан бирида муштлашув бошланган.
Муштлашув уюштирганлар аввалига пичоқ, занжир ва резина таёқ каби совуқ қуроллардан фойдаланган, кейин эса ўт очишга тушган. Саккиз киши воқеа жойида, яна бир киши шифохонада вафот этган.
Изоҳ (0)