Буюк Британия қироличаси Елизавета II нинг невараси шаҳзода Гарри Австралиядаги саёҳати чоғида тимсоҳни тутишга ёрдам берди, дея хабар қилмоқда BBC News.
Шаҳзоданинг сафари суратлари интернетда пайдо бўлди. Уларда қироллик оиласи аъзоси қайиқда оғзи боғланган йиртқич устида ўтирганини кўриш мумкин.
Тимсоҳнинг узунлиги уч метрга етади. Уни Дарвин шаҳри яқинида бандаргоҳдаги тузоқдан чиқариб олишган. Ёввойи табиат қўриқчиси рейнжер Эрин Бриттон таъкидлашича, шаҳзода ўз вазифасини аъло даражада бажарган ва «катта ишни амалга оширган».
Гаррида мамлакат ҳақида унутилмас таассуротлар қолиши учун уни бу ишга жалб қилишгани айтилмоқда.
Изоҳ (0)