12 май куни Непалда содир бўлган янги зилзила қурбонлари сони 117 кишига етди. Бу ҳақда мамлакатнинг Фавқулодда ҳолатлар миллий марказига таяниб, «РИА Новости» хабар бермоқда.
Олдинроқ 96 кишининг ҳаётдан кўз юмагани хабар қилинганди.
Сўнгги маълумотларга қараганда, иккала ер силкиниши натижасида 8316 киши вафот этди ва 76 638 киши жабрланди.
7,3 магнитудали зилзиланинг илк силкиниши 12 май куни Тошкент вақти билан 12:05 да қайд этилди. Унинг эпицентри Катмандудан 83 километр жанубда, ўчоғи эса 18,5 километр чуқурликда жойлашди. Ундан сўнг ҳам бир неча такрорий зилзилалар бўлди ва уларнинг энг каттаси 6,3 баллни ташкил қилди.
Непалда 25 апрель куни 7,9 магнитудали зилзила рўй берганди. Шундан сўнг кучи 3,2 дан 6,9 магнитудагача бўлган 90 га яқин афтершоклар қайд этилди. Ер силкиниши 8 мингдан ортиқ одамнинг ёстиғини қуритди.
Изоҳ (0)