Sony ўз смартфонларига муқобил операцион тизимларни ўрнатишни осонлаштирди

Sony Mobile компанияси Xperia T2 Ultra, Xperia T3, Xperia M2 ва Xperia E смартфонлари учун юклагичлар тўпламини чиқарди, дея хабар бермоқда Engadget.

Ушбу тўплам компания смартфонларига Android’нинг бошқа – CyanogenMod каби версияларини, шунингдек, Firefox OS ва Ubuntu Touch каби муқобил операцион тизимларни ўрнатишни осонлаштиради.

Махсус дастурий таъминот Open Devices ташаббуси доирасида омма эътиборига ҳавола қилинди.

Sony Xperia’нинг Z-сериядаги флагман смартфонларига ҳозирча юклагични ўрнатиб бўлмайди.