Instagram ижтимоий тармоғининг веб-версияси бутун дунё бўйлаб ишламай қолди, дея хабар бермоқда «РБК». The Next Web нашри тахмин қилишича, ижтимоий тармоқ вакиллари хавфсизлик сертификатини узайтиришни унутиб қўйган бўлиши мумкин, унинг муддати 30 апрель кунининг иккинчи ярмида тугаган. Бироқ буни компания вакиллари изоҳлаганича йўқ.
Муаммо Instagram’нинг фақат веб-версиясига тааллуқли бўлди. Ижтимоий тармоқ Chrome, Firefox ва Opera браузерларида ҳам очилмади. Сервисга кирилганида экранда сертификатлар амал қилиш муддати тугагани ҳақида огоҳлантириш намоён бўлди.
Айни пайтда Instagram ишлаб кетди.
Изоҳ (0)