Chevrolet компанияси «Индианаполиснинг 500 мили» автопойгалари учун хавфсизлик автомобиль (safety car, pace car) сифатида GM тарихидаги энг кучли модель бўлган Chevrolet Corvette Z06’ни тақдим этди, деб хабар бермоқда «Motor.ru».
Трек автомобили оддий Corvette’дан бўялиши ва чақновчи майоқлари борлиги билан фарқ қилади. Шунингдек, ушбу моделнинг двигатели (6,2 литрли, саккиз цилиндрли) ва тормози кучлироқ. Етти босқичли тезлик узатиш қутиси билан жуфтликда бу мотор 100 км/соат тезликка 3,2 секундда чиқа олади.
Chevrolet Corvette модели 1978 йилдан буён 13 марта «Инди 500» пойгаларининг пейс-кари бўлмоқда, Chevrolet машиналари учун эса бу 1948 йилдан буён 26 мартадир. Бу галги пейс-карни NASCAR пойгаларининг тўрт карра чемпиони Жефф Гордон бошқаради.
Изоҳ (0)