Apple компанияси АҚШда номини «инсоний қиёфага эга навигатор» деб таржима қилиш мумкин бўлган технология учун патент олди. Бу ҳақда Motor.ru хабар бермоқда.
Ушбу атама остида Apple одатий навигаторлардан фарқли равишда, аксарият фойдаланувчилар тушунарли бўлган картографик GPS-қурилмаларнинг дастурий таъминотини назарда тутмоқда.
Apple’нинг навигатор дастури қуруқ географик маълумотларни узатишга эмас, балки нисбатан тушунарли ахборот беришга ихтисослашади.
Масалан, илова-дастур фойдаланувчига ҳаракат йўналишининг охири «шимолдан Х километр масофада жойлашгани» ҳақида маълумот бермайди.
Бунинг ўрнига дастур ҳайдовчига аниқ нуқта ва объектлар бўйлаб ҳаракатланишни таклиф қилади, масалан: «Чорраҳадан кейинги учинчи бурилишда кириб, сўнг автобус бекати ёнидан ўтинг».
Бундан ташқари, Apple ўз навигаторига объектларга таъриф беришни ҳам ўргатади. Масалан, фойдаланувчи навигатор қидирувига кўп қаватли уйни кирица, дастур бу уйни бошқалардан ажратиб турувчи бирор белгини ҳавола қилади.
Apple’нинг «ақлли навигатори»ни татбиқ этиш истиқболлари ҳақида ҳозирча ахборот берилмаган.
Изоҳ (0)