Бугун,

  • USD 11095.31
  • RUB 173.84
  • EUR 10772.44

Ўзбекистонга ташриф билан келган БМТ Иқтисодий ва ижтимоий масалалар департаментининг электрон ҳукумат бўйича минтақалараро катта маслаҳатчиси Ричард Керби ўзбекистонлик журналистлар билан учрашди.

Ричард Керби. Фото: egovernment.uz

Ричард Керби. Фото: egovernment.uz

«Электрон ҳукумат» тизимини ривожлантириш маркази матбуот хизматидан маълум қилишларича, у ўзбекистонлик журналистларнинг Ўзбекистонда электрон ҳукуматнинг ривожланишига доир саволларига жавоб берди.

Кербининг сўзларига кўра, Ўзбекистон очиқ маълумотлар портали – data.gov.uz’ни янада кучайтириш, унда янада кўпроқ ахборот бериш керак. «Ўзбекистонга биринчи марта 2013 йилда келгандим, у вақтда очиқ маълумотлар портали йўқ эди, бироқ бугун кўряпманки, катта ўзгаришлар бор. Икки йилдан сўнг янада кўпроқ ва каттароқ ўзгаришлар бўлади, деб ўйлайман», - деди эксперт.

БМТ вакилининг сўзларига кўра, электрон ҳукумат давлат органлари билан анъанавий мулоқот – хат орқали ёки бевосита оғзаки мурожаат қилиш каби кўринишларини инкор этмайди, аксинча, фуқароларга кўрсатилаётган давлат хизматларининг қулайлиги ва тезкорлигини оширишга ёрдам беради, бунда фуқароларда «ажойиб танлов имконияти» пайдо бўлади.

«Электрон ҳукумат ривожида ОАВнинг ўрни жуда ҳам катта, журналистлар Ўзбекистонда электрон ҳукумат ривожи жараёнида юз бераётган воқеа-ҳодисалар ҳақида аҳолини хабардор қилишлари керак. Фуқаролар бу жараёнларнинг қатнашчиси бўлиб, Ягона портал, очиқ маълумотлар портали ва бошқа ресурсларнинг фаолияти яхшиланишида иштирок этишлари, таклифлар билан чиқишлари керак», - деди Ричард Керби.

БМТ тизимида 1984 йилдан бери ишлаб келаётган Ричард Керби 20 йилдан бери Африка, Осиё, Кариб ҳавзаси, Европа, Яқин Шарқ ва Лотин Америкаси мамлакатлари ҳукуматларига электрон ҳукуматни ривожлантиришга доир маслаҳатлар бериб келади.

Изоҳ
Асосий янгиликлар
Маҳаллий
Туркманистон Ўзбекистонга текинга газ етказиб беради 
Маҳаллий
Тошкентда кўприк устидаги “Газел” ёниб кетди (видео)
Бизнес
Россиядан Осиёга кўмир экспорти нархи ошгани маълум қилинди