Бухоро шаҳар ИИБга маҳаллий аҳоли вакили ариза билан мурожаат қилиб, номаълум шахс унинг А. Сомий кўчасида жойлашган уйига кириб, у ердан икки дона музлатгич, кир ювиш машинаси ва LG русумли телевизорни ўғирлаб кетганини маълум қилди, деб хабар беради Ўзбекистон Республикаси ИИВ Матбуот хизмати.
Олиб борилган тезкор-қидирув ва суриштирув тадбирлари натижасида ушбу ўғирликни жабрланувчининг уйида ижарада турган, Бухоро туманида яшовчи 1985 йилда туғилган аёл содир этганлиги аниқланди ва қўлга олинди.
Айни пайтда тергов ҳаракатлари олиб борилмоқда.